Post

Python's filter function (and how it differs from map)

Deep Dive with Ahmed, in Arabic: how filter works, why use it over a loop, the None trick, and the difference between map and filter.

Python's filter function (and how it differs from map)

This post is in Egyptian Arabic, as I first wrote it on LinkedIn. It follows map and comes before reduce.

ده تاني بوست ليا أتكلم عن حاجة أنا بتعلمها: Python filter function.

اتكلمنا في البوست ده عن الدوال الفخمة وخدنا مثال عليها وهي دالة map. النهارده هنتكلم عن دالة فخمة جديدة وهي دالة filter.

من اسمها كده، الدالة اللذيذة دي بتفلتر العناصر بتاعتك وبترجعلك العناصر اللي ينطبق عليها شرط معين.

Filter() is a built-in function in Python. The filter function can be applied to an iterable such as a list or a dictionary and create a new iterator. This new iterator can filter out certain specific elements based on the condition that you provide very efficiently

مثال

لو أنا عندي لست lst = [0,1,2,3,4] وعاوز مثلًا أعرف الأرقام الزوجية، الطبيعي هعمل لوب، وجوه اللوب بتاعتي هحط if condition بيشيك إن الرقم اللي عليه الدور في اللوب باقي القسمة على 2 يساوي صفر. لو الشرط اتحقق هروح أضيفه في لست أنا كريتها قبل ما أبدأ اللوب، وهكذا لحد ما اللست تخلص، ثم هطبع اللست الجديدة.

طيب ما الدنيا حلوة أهو، أنا ليا أشغل دماغي بالدالة الفخمة اللي اسمها فلتر دي؟

  • أولًا: لأن اللي عملته في 5 أو 6 سطور أقدر أختزله في سطرين، أو سطر واحد كمان لو استعملت lambda expression. وبالتالي الكود بتاعي يكون أنضف.
  • ثانيًا: لأنها بالفعل built-in في اللغة، وبالتالي صنّاع اللغة نفسهم شالوا عنك كل اللوجيك ده، بشرط تكون فاهمها وعارف أصلها وبتعمل إيه وبديلها بالكود العادي.

حاجة تانية لطيفة: None

ممكن بدل ما تحط دالة وإنت بتنادي على filter تحط None، وساعتها None هتشيلك أي حاجة لو عملتلها evaluation تدي False، زي مثلًا لست فاضية أو رقم 0 أو False نفسها، وترجعلك الليست اللي كل اللي فيها يـ evaluate لـ True.

مثلًا الليست دي:

1
lst = [0, 1, 2, 3, 4, False, [], {}]

لو هطبق عليها دالة filter كالتالي:

1
print(list(filter(None, lst)))

الناتج هيكون:

1
[1, 2, 3, 4]

الفرق بين map و filter

حاجة أخيرة عشان نربط الكلام ببعضه: إيه الفرق بين map و filter؟ حاول تجاوب قبل ما تشوف الإجابة.

  • map: بتاخد دالة ليها أكتر من parameter ويكون عدد الـ parameters يساوي عدد الـ iterables.
  • filter: بتاخد دالة واحدة ليها parameter واحد، وبتاخد iterable واحد فقط.

  • map: بتنفذ الدالة (أو الشرط يعني) على كل العناصر وبترجع iterable له نفس عدد العناصر.
  • filter: بتنفذ الدالة (أو الشرط يعني) على كل العناصر، ولكن بترجع iterable فيه العناصر اللي ينطبق عليهم الشرط فقط.

الكود

Python code examples for the filter function

[02-filter_func.py](https://github.com/Ahmed-Soli/deep_dive_with_ahmed/blob/main/02-filter_func.py)

في الـ repo بتاع السلسلة.

This post is licensed under CC BY 4.0 by the author.